Lagasafn.  Uppfært til 1. október 2000.  Útgáfa 125b.  Prenta í tveimur dálkum.


Lög um bókasafnsfræðinga

1984 nr. 97 28. maí


1. gr. Rétt til að kalla sig bókasafnsfræðing og starfa sem slíkur hér á landi hefur sá einn sem til þess hefur leyfi menntamálaráðherra.
2. gr. Leyfi samkvæmt 1. gr. má aðeins veita:
   
1. þeim sem lokið hafa B.A.-prófi frá Háskóla Íslands með bókasafnsfræði sem aðalgrein (það er a.m.k. 60 einingar samkvæmt núgildandi reglugerð Háskóla Íslands, nr. 78/1979, eða 3 stig samkvæmt eldri reglugerð);
   
2. þeim sem tekið hafa lokapróf frá háskóla og a.m.k. 60 einingar í bókasafnsfræði við Háskóla Íslands;
   
3. þeim sem lokið hafa hliðstæðu prófi erlendis sé námið viðurkennt sem slíkt af yfirvöldum þess lands þar sem námið er stundað;
   
4. þeim sem tekið hafa lokapróf frá háskóla og framhaldsgráðu í bókasafnsfræði til viðbótar.
Áður en leyfi er veitt samkvæmt 3. og 4. lið skal leita umsagnar Félags bókasafnsfræðinga og fastra kennara í bókasafnsfræði við félagsvísindadeild Háskóla Íslands.
3. gr. Bókasafnsfræðingi ber að starfa samkvæmt lögum og reglugerðum um bókasöfn sem í gildi eru á hverjum tíma.
4. gr. Brot á lögum þessum varða sektum. Með mál út af brotum gegn lögunum skal farið að hætti opinberra mála.
5. gr. Menntamálaráðherra getur sett nánari ákvæði í reglugerð um framkvæmd laga þessara.
6. gr. Lög þessi öðlast þegar gildi.